BUKAS ang Philippine Health Insurance Corporation (PhilHealth) sa mungkahing suspendihin ang paniningil ng premium sa minimum wage earners.
“Actually, pinag-aaralan na natin ‘yan. Napakagandang proposal at siyempre lahat naman ng mga proposal na makakabuti sa mga kababayan natin, why not? ” sabi ni PhilHealth spokesperson Rey Baleña sa isang panayam sa Dobol B TV nitong Huwebes.
Dagdag pa ni Baleña, ”very robust” ang kasalukuyang financial standing ng PhilHealth.
”Made-deplete po ba? Hindi pa ho. Hindi made-deplete. Kasi talagang financially very robust po ang PhilHealth. Granting na iyan po ay mangyayari, maisasakatuparan, hindi po tayo naniniwala na made-deplete.”
Related Article: PhilHealth, Pag-IBIG to raise mandatory contributions
Sa isang pahayag, iniminungkahi ni Marikina City Representative Stella Quimbo na suspendihin ang paniningil ng contribution sa minimum wage earners dahil may natitira pa umanong pondo sa subsidiya para sa indigent families, senior citizens, and persons with disability.
Ayon kay Quimbo, P24 bilyon pa ang hindi nagagamit na pondo noong 2022 at P39 bilyon nitong nakaraang taon.
“The unspent premium of PhilHealth can very well cover the premium contributions of minimum wage earners for at least a year since in 2022 their premium contribution only amounted to P19.6 billion,” saad ni Quimbo.
“This [measure] will provide immediate financial relief to the country’s economically vulnerable workers, offering an average monthly wage boost of about P400 in the National Capital Region for non-agricultural workers.”
Planong itaas ng PhilHealth ang member’s contribution sa 5% ngayong taon habang umangat ng 30% ang halaga ng care packages na puwedeng ma-avail sa mga accredited health facilities.
Batay sa contribution matrix na inilabas ng PhilHealth, ang mga kumikita ng P10,000 kada buwan ay dapat magbayad ng P500 bilang premium.
Nasa P500 hanggang P5,000 naman ang ikakaltas sa sahod ng mga empleyadong kumikita ng P10,000.01 – P99,999.99 bawat buwan.
