ISANG data officer mula sa isang malaking pahayagan, cybersecurity researcher ng isang kumpanya, at isang graduating student–sila ang tatlong hinihinalang hacker na nasakote at ipinrisinta ng National Bureau of Investigation.
Ayon sa NBI, natimbog sila matapos ituro ng kanilang impormante habang kumakain sa isang hotel sa Maynila.
Ilan lamang sa na-hack ang website ng Philippine Army, Philippine Navy, at National Security Agency. At mga bangko ng Philippine National Bank, Security Bank, Banco De Oro at Union Bank.
“The case stemmed from numerous information regarding recent incidents involving multiple unauthorized access attempts and breaches of private and government websites,” ayon sa pahayag ng NBI sa Facebook.
Ayon sa ulat ng GMA News mula sa Super Radyo dzBB, nakuha muli ng NBI ang ilang mahahalagang dokumento gaya ng scripts at database ng mga local government at iba pang government websites.
Narekober din ng otoridad ang halos limang data and security credentials mula sa apat na bangko, na maaaring gamitin para sa mga ilegal na aktibidad.
“These highlight the extent of the digital assets and sensitive information accessed by the Subjects, pointing to potential cybersecurity breaches and illegal activities.”
Nakapaghain na rin ng complain laban sa mga hacker, mula sa paglabag nila sa Cybercrime Prevention Act of 2012 at Data Privacy Act of 2012. Ipinagbigay alam din ni NBI Director Jaime Santiago na nagmula ang mga hacker na ito sa grupong Lulzec at Globalsec.
Taong 2016 nang sinimulan ng mga suspek ang hacking activity na kabilang sa grupong Global Security Hackers. Isa sa kanila ang kumalas at umanib naman sa Pinoy Luzec noong 2019. Miyembro naman ng isang malaking hacking group na Philippine Lulzec at Globalzec ang isa pa.
“They were recommended to be charged with Illegal Access under Section 4(a) (1) and Misuse of Device under Section 5(iii) of RA 10175 or the Cybercrime Prevention Act of 2012,” sabi sa post.
“As well as Unauthorized Access or Intentional Breach under Section 29 of RA 10173 otherwise known as the Data Privacy Act of 2012.”
“The third subject with an alias ‘Allan 10k’ will be charged thru direct filing. All Subjects are members of two big hacking groups, namely: Philippine Lulzec and Globalsec.”
