MAGTUTULUNGAN ang iba’t ibang ahensya ng pamahalaan para mas mapalakas ang senior high school curriculum. 

Sa pulong balitaaan sa Malacañang nitong Martes, sinabi ni Technical Education and Skills Development Authority Deputy Director General Rosanna Urdaneta na inatasan ni Pangulong Ferdinand Marcos Jr. ang Department of Education, Department of Labor and Employment, Commission on Higher Education at ang TESDA na pag-aralan kung ano-ano ang mga dapat repasuhin sa curriculum. 

“TESDA, DOLE and DepEd came up with a proposal to the President to strengthen Senior High School, kasi mayroon pong study ang PIDS (Philippine Institute for Development Studies) na there’s a demand for workers, pero hindi po tayo nakakapagbigay talaga ng sapat na kaalaman at iyong mga senior high school po, hindi na-i-employ kaagad-agad,” ayon kay Urdaneta.

“So, what the President had instructed the TESDA Director General, Secretary Mangudadatu is for him to work closely with DepEd and harmonize iyong curriculum po ng TVET (Technical-Vocational Education and Training),” dagdag pa niya. 

“Ang ibig sabihin po noon, iyong curriculum po ng DepEd, pinag-aralan po ng TESDA, umupo kami together with DepEd for us to be able  to contextualize. Iyong contextualize po, for example, iyong mga subjects ng DepEd, tiningnan po ng TESDA iyon, at mayroon po kaming mga ipinasok or mga in-integrate na mga skills development doon po sa curriculum.”

Nais daw ng pangulo na ma-integrate sa senior high school curriculum ang ilang mga pagbabago sa lalong madaling panahon, sabi ni Urdaneta.