KAHIT tapos na ang Valentine’s Day, tuloy pa rin ang pagpapakilig sa mga Pilipino.
Bilang bahagi ng selebrasyon ng Feb-ibig at sining, walong pelikula ang libreng mapapanood sa 2024 edition ng “Sine Sinta: Pag-ibig at Pelikula” ng Film Development Council of the Philippines (FDCP).
Mga klasik at makabagong romance movies na tiyak na magpapakilig at magpapaiyak sa mga manunuod.
Isa na rito ang “One More Chance” na pinagbibidahan nina Bea Alonzo at John Lloyd Cruz, gumanap bilang pamosong Popoy at Basha, na sinubok ang pagsasama habang pilit na inaasam ang ambisyon ng bawat isa.
Ipalalabas din sa contemporary romance movies ang romantic comedy film nina Alessandra De Rossi at Empoy Marquez na “Kita Kita,” “Love You to the Stars and Back” nina Joshua Garcia at Julia Barretto, “Isa Pa with Feelings” nina Maine Mendoza at Carlo Aquino, “I’m Drunk, I Love You” nina Maja Salvador at Paulo Avelino, at “That Thing Called Tadhana” nina Angelica Panganiban at JM de Guzman.
Dalawa sa classic films na ipalalabas ng FDCP ang 1939 musical romance movie na “Giliw Ko” at ang 1996 romantic film na “Radio Romance.”
Ang mga pelikulang ito ay ipalalabas sa mga piling sinehan sa bansa mula sa Biyernes, February 16 hanggang February 23, 2024.
Narito ang screening schedule ng walong pelikula:
One More Chance
February 16: TriNoma Cinema 6, at 4:30 p.m.
February 21: Cinematheque Centres in Manila, Nabunturan, Davao, Iloilo, Negros, at 6 p.m.
Kita Kita
February 18: MET, at 2 p.m.
Giliw Ko
February 17: Cinematheque Centres in Manila, Nabunturan, Davao, Iloilo, Negros, at 1 p.m.
Radio Romance
February 20: Cinematheque Centres in Manila, Nabunturan, Davao, Iloilo, Negros, at 6 p.m.
Love You to the Stars and Back
February 22: Cinematheque Centre Manila, at 4 p.m.
Isa Pa with Feelings
February 22: Cinematheque Centre Manila, at 6 p.m.
I’m Drunk, I Love You
February 23: Cinematheque Centre Manila, at 1 p.m.
That Thing Called Tadhana
February 23: Cinematheque Centre Manila, at 3:30 p.m.
Inorganisa ng FDCP ang “Sine Sinta: Pag-ibig at Pelikula” sa pakikipagtulungan sa National Commission for Culture and the Arts (NCCA), the Metropolitan Theater (MET), Ayala Malls Cinemas, and TriNoma. Suportado rin ito ng ABS-CBN, Sagip Pelikula, Star Cinema, Cinema One, LVN Pictures Inc., TBA Studios, VIVA Films, JuanFlix: The FDCP Channel, at ng FDCP Cinematheque Centres.
Madaragdagan pa ang mga palabas na kabilang sa “Sine Sinta: Pag-ibig at Pelikula” sa mga susunod na araw.
