NAHIHIRAPAN ka bang mag-move on pagkatapos ng hiwalayan? May nakikitang solusyon diyan ang isang kongresista.

Sa ilalim ng House Bill 9931 na ipinanukala ni Cagayan de Oro City Representative Lordan Suan, pagkakalooban ng unpaid leave ang mga brokenhearted na empleyado sa gobyerno at pribadong sektor.

Nakadepende ang haba ng heartbreak leave sa edad ng empleyado: isang unpaid leave kada taon para sa mga edad 24 pababa, dalawa para sa mga nasa 25 to 35 age bracket, at tatlo naman para sa mga edad 36 pataas.

Maaari lamang gamitin ang heartbreak leave kapag nakapagsumite ang empleyado ng signed statement na ang kanyang romantic relationship ay nagwakas nitong huling 30 araw.

Layon din ng panukalang batas na bigyan ang mga empleyado ng evidence-based resources tungkol sa kung paano lampasan ang pagsubok dahil sa kasawian sa pag-ibig at pagpapabuti sa sarili.

“Studies reveal the substantial toll breakups take on individuals, affecting their emotional and mental well-being, leading to decreased productivity, absenteeism, and higher healthcare costs. Recognizing this reality, the bill acknowledges the legitimacy of emotional distress stemming from personal life and offers crucial support during this challenging time,” sabi ni Suan.

“By allowing time and space for emotional processing, [the heartbreak leave] can lead to improved focus and performance upon return.”