INULAN ng batikos sa social media si Mariel Padilla dahil nagpa-glutathione drip ito habang nasa opisina ng kanyang asawa na si Senador Robin Padilla.

Sa isang Instagram post na binura rin kalaunan, makikitang naka-IV drip at nakangiti ang dating TV host. Nasa likuran naman niya ang senador.

“Drip anywhere is our motto! Hehehe [laughing crying emoji] I had an appointment with @dripinluxeph but I was going to be late so I had it done in my husband’s office hehe,” ani Mariel.

Proud din na ibinahagi ni Mariel ang magagandang epekto umano sa kalusugan ng gluta drip.

”I never miss a drip because it really helps in soooo many ways [hand heart emoji]. Collagen production, whitening, energy, metabolism, immunity, and soooo much more!!! So convenient and really effective (raising hands emoji). Magaling talaga!!!!”

Pinuna naman ng mga netizen ang ginawa ni Mariel.

Ayon sa Department of Health, hindi aprubado ng Food and Drug Administration ang injectable lightening agents gaya ng glutathione dahil maaaring magdulot ito ng pinsala sa katawan.

“IV glutathione will whiten your skin and make you look really like a Caucasian, but it can damage your kidneys and kill you,” sabi ni Health Secretary Ted Herbosa sa isang media forum nitong Enero.

”It is not safe. The FDA has not registered it for skin whitening. If there’s someone using it, it is illegal.”

Wala pang pahayag si Mariel tungkol sa isyu.