Inanunsiyo sa online post ng University of the Philippines noong Pebrero 26, ang mga petsa para sa darating na UPCAT.
Sa Abril 15, 2024 magbubukas sa online application o pagsumite ng Form 1.
Gaganapin ang mismong UPCAT sa Agosto 10 at 11. Sa Agosto rin ang grades submission, o ang pagsumite ng Form 2B at SF10 pero wala pang eksaktong petsa para rito.
June 2023 nang muling buksan ng unibersidad ang kanilang mga pinto para sa face-to-face o in-person entrance exam buhat ng magka-pandemya.
I-bookmark na ang pages ng online application mula sa website ng UP. Maaari ring kontakin ang UP Office of Admissions sa +63 2 8981-8500 o magpadala ng email sa [email protected], o bumisita sa Kalaw cor. Quirino Avenue sa UP Diliman.
Mga dapat ihanda sa UPCAT
Ang UPCAT ay tipikal lamang na eksaminasyon na may apat na bahagi: Language Proficiency, Science, Mathematics, at Reading Comprehension.
Upang makapag-exam, dapat ikaw ay isang senior student o nagtapos mula sa DepEd-accredited school at sa secondary school kung ikaw ay galing abroad. Iisang beses din lang maaaring makapag-exam sa UPCAT.
May dalawang time slot sa mismong araw ng eksaminasyon: morning session ng 6:30, at afternoon session ng 12:30.
Magdala ng iyong test permit, dalawang lapis, pantasa, pambura, at pagkain habang break time.
Nasa limang oras ang tagal ng buong eksaminasyon. Bawal ang cellphone at calculator.
Ipinapayo ring humanap ng mga review center na malapit sa’yo upang mas makapaghanda sa UPCAT day.
