VIRAL ngayon ang apology ng isang dating propesor na umano’y gumamit at inangkin ang thesis ng kanyang estudyante.
Sinasabing inilathala umano sa pangalan ni Riceli C. Mendoza, dating faculty member ng Department of English Language and Literature sa University of Southern Mindanao (USM) sa Kabacan, Cotabato ang thesis ni Jemima M. Atok, isang AB graduate student.
Kahapon, May 6, 2024, naglabas ang unibersidad ng public apology na galing mismo sa propesor kung saan inamin niya ang kanyang pagkakamali, at agad ding humingi ng tawad sa kanyang estudyante at pamilya.
“My sincere apology to Jemima M. Atok, AB English graduate and my advisee, for the emotional pain that I have caused you and your family. I am very sorry to publish your thesis in my name,” sabi sa sulat.
“I am truly sorry that I failed to recognize you as the author and the owner of the published paper/article. Instead, I claimed it as my own.”
“I honestly acknowledge my fault and rest assured that this may never happen again in the history of academic endeavor,” paliwanag ni Mendoza.
Hindi malinaw kung kailan at saan inilathala ang thesis.
Hindi napigilang mag-react ng mga netizen, at di halos makapaniwala kung bakit nagawa ito ng propesor..
“Intellectual property theft. She should be barred from entering any academic and learning institutions. That’s also intellectual dishonesty. Can’t you come up with your own thesis proposal? And you even had the nerve to work for the academe?” sabi ng isang user.
Nagkwento rin ng kani-kanilang mga karanasan ang ilang nabiktima rin ng ganitong insidente.
“This happened to me as to my high school thesis, too. They submitted my thesis pang Intel Science Fair under a different name. Some teachers cannot come up with original research so they use students’ output for themselves,” sabi sa comments.
Hiling ng netizens na ang insidenteng ito ay magsilbing aral o babala sa iba pang unibersidad, upang maiwasan ang anumang unethical na kilos mula sa mga faculty member.
