Sino ang hindi nakakakilala kay Angeli Khang?
Mula sa mapangahas na mga pagan, nakilala si Angeli sa isang sikat na local streaming app.
Pero sa isang panayam sa podcast ni Nelson Canlas, inamin ni Angeli na gusto na niyang mag-level up mula sa mga mga pa-sexy roles.
Courtesy: Angeli Khang/X (formerly twitter)
“Kung ano man ang ibigay sa akin na project at blessings, tatanggapin ko. But as much as possible, I want to see myself and for people to see me more about my acting,” sinabi ni Angeli sa Updated na podcast ni Canlas podcast.
“Feeling ko po marami na akong nagawang movies na fresh breath naman sa another character, another genre, another craft na action naman. Sana naman next time mabigyan ako ng blessings na comedy,” hiling ni Angeli.
Courtesy: Angeli Khang/X (formerly twitter)
Nakasama si Angeli kamakailan sa action series ng GMA Network na “Black Rider.”
“To be honest, noong nabigay sa akin ang teleserye, ang daming nag-message sa akin, pati ang family ko, ang sabi ‘Wow mainstream naman! Mapapakita mo ‘yung sarili mo na hindi more on bed scenes, more on pa-sexy, ‘yung totoong acting mo,'” masayang kwento ni Angeli.
Pero aminado siya na nagkaroon rin ng sexy scenes siya at sa lead actor na si Ruru Madrid.
“Tapos pagkapunta ko po sa Black Rider, may sexy scenes pa rin po. Nag-message ako sa nanay ko sabi ko ‘Ma, may sexy scenes pa rin naman pero more on acting pa rin,'” sabi ni Angeli.
Para kay Angeli, hindi niya nakikita ang sarili bilang sexy actress.
“I don’t see myself as a sexy actress, kahit ayun ang sinasabi nila sa akin. I think I see myself as an actress… Kahit ano mang project, Kahit sexy man o hindi, artista pa rin po ako na ginagawa kung ano ‘yung mga ibinibigay sa aking project.”
Tutol ang magulang?
Aminado si Angeli na sa umpisa ay tutol ang kanyang ama, na isang military general, at kaniyang ina, na isang pastora na pumasok siya sa showbiz.
“Ang tatay ko po talaga, he’s a military general tapos ang gusto niyang ipagawa sa akin, more on marathon, sports, basketball, volleyball, taekwondo. Sabi niya sa akin, tomboy na tomboy,” sabi ni Angeli.
Courtesy: Angeli Khang/X (formely twitter)
Sinabi niya na ang nanay niya ang mahigpit na kumontra.
“Nagulat siya, sabi niya ‘Kailan ka pumasok diyan? Kailan ka nag-film?’ ‘Bakit ka nagdedesisyon sa sarili mo?’ High school pa lang ako noon. ‘Ano ang pangalan ng director saka ng may-ari niyang pinaggagawan mo? Ipagdadasal ko ‘yan,'” sabi aniya ng kanyang ina. Pero sa huli tinaggap ng magulang ang kanyang napiling propesyon.
“Sabi ng mom ko, ‘Basta wala kang natatapakan na tao, mahal mo ‘yung ginagawa mo, at masaya ka sa ginagawa mo, pagpatuloy mo lang ‘yan,’” kuwento niya.
